EBARUHA ERIKWETORORA OKW`IKUMI-OKW`IKUMI N`EBIRI 2014

Endamutsyo ziri kutagata munoonga ahari aba`ishe-emwe na b`ishe-emwe-kazi omunsi yoona omu eiziina erikukirayo oburungi erya MUKAMA waitu Yesu Kristo hamwe n`ebigambo bye okuruga omu shaara ey`obunyamurwa obukuru:

“Nkuhaisize ekitiinisa omu nsi, ahabw`okuba omurimo ogu wampaire kukora nguhikiriize.” (Yohaana 17:4).

N`obu kiraabe kiri kityo, ekyo nikyo kyabaire kiri ekigyendererwa kya Ruhanga: “…kandi ku yaaherize kureeta obusingye ahabw`eshagama ya Yesu aha musharaba, yaasiima ngu omuriwe ayegarurire byona, yaaba by`ahansi…” (Abakolosai 1:19-20a)

Ebi nabyo bikahikirira obutarihwaho “Abagarukaniise na Ruhanga omu mubiri gwe ogw`obuntu ahabw`okufa kwe, ngu abone kubamurika omu maisho ga Ruhanga, muri abarikwera abataine kamogo, kandi abatarikugaywa…” (Abakolosai 1:22).

Obusinguzi bwe nibwo businguzi bwaitu: “kandi ku yaaherize kujuura eby`obutegyeki n`obushoboorozi, yaabihemura butunu, yaabisinguza ogwo musharaba.” (Abakolosai 2:15)

“Okwiha obwo atuura ategyereize, okuhitsya obu abazigu be barihindurwa akatebek`ebigyere bye. Ahakuba abarikwezibwa akabahikiiriza ahabw`ekitambo kimwe yaaheza okumara ebiro byona”. (Abaheburaayo 10:13-14).

Okuzooka kwa MUKAMA kukaba obuhame oburi kureebwa butunu ngu rufu, okuzumu hamwe na sitaane bikasingurwa. Omu itebezo rye ry`okubanza Petero akajuriza ekyabaire kyaherize kuhandiikwa omuri Zaaburi 16:8-11: “Ahakuba toritsiga magara gangye, N`obu kwakuba okureka Orikwera waawe kujunda.” (Ebyakozirwe 2:27).

MUKAMA Owazookire akaba narangirira obutumwa bw`obusinguzi ahari abe: Mpairwe obushoboorozi bwona omu iguru n`omu nsi.” (Matayo 28:18). Aha kutwarwa, naitwe omuriingo nigwo gumwe turyagambira ahaiguru tuti: “kwonka Ruhanga asiimwe, otuha okusingura ahabwa MUKAMA waitu Yesu Kristo.” (Abakorinso 15:57).

Omucunguzi waitu aherize omurimo gwe gw`obucunguzi nk`oku kihandikirwe omuri Isaaya 42:1-4 kandi kihamibwe n`omuri Matayo 12:17-21. Tihariho kintu kyoona ekiri muzibira kuhikiriza byoona ebyatandikire okuhitsya obu ari reeta orubaanja aha basinguzi hamwe naabo abasiingwire. Amiina.

MUKAMA waitu ku yaherize kugaamba n`entumwa ze kumara ebiro makumi ana obwe ari kugaamba nabo ahabukama bwa Ruhanga (Ebyakozirwe 1:1-8) obwe aherize kuruga omu kuzooka kwe okw`ekitinisa akatwaarwa omu iguru omu kicu barikumureeba (omushororongo gwa 9). Ahanyima y`ekyo , abshaija babiri bajwiire emyenda eri kwera babemerera omu maisho reero babagira bati, “Imwe bashaija ba Galilaaya `mwe, muhangiire ki amaisho ahaiguru? Yesu ogwo owaabaihwaho akatwarwa omu iguru, nikwo arigaruka nk`oku mwamureeba naatemba omu iguru.” (Emishororongo 10-11).

MUKAMA waitu akaguma nabo “okuhitsya aha izooba eri yaatwariirweho omu iguru, aherize kuragiira entumwa ezi yaatooraine, naazitumaho Omwoyo Orikwera.” (Ebyakozirwe 1:2)

Omu kukora ekyo akakirayo kuta okwehanangiriza kwe aha ki Ishe-boona yaraganitse (Emishororongo 4-5), okugira ngu babatizibwe kandi bijuzibwe n`Omwoyo Orikwera obwe reero babase kuheebwa amaani g`obwa Ruhanga nikwo bamubeere abajurizi. Ahanyima y`ekyo ekicu kyamutwara nibamureeba. Okurabira omu byahandikirwe, naija kugaruka omu muriingi nigwo gumwe, kandi naitwe nitwiija kutwarirwa omu bicu kumubugana omu mwanya (1 Abatesolonika 4:17) – hatari munsi omu.

Omu byakozirwe 2 nitushoma ahari bikukwata aha kwiija kw`Omwoyo Orikwera, nk`oku kyabaire kyarangirwe Nabi Yoeli, omu shuura ya 2, hamwe na Yohaana n`ebigambo ebi: “…we aryababatiza n`Omwoyo Orikwera n`omuriro…” (Matayo 3:11). Kikagaruka kyahamibwa MUKAMA waitu: “ahakuba Yohaana akabatiza n`amaizi, kwonka imwe nimwija kubatizibwa n`Omwoyo Orikwera omu biro bikye.” (Ebyakozirwe 1:5). Eitebezo ry`okubanza eryakuratsireho riri kukwata aha kweteisa, okwikiriza, okubatiza omu maizi, kandi n`okubatizibwa n`Omwoyo Orikwera n`okwe biro byona kandi kukiriho omu kanisa ya Ruhanga. Ahanyima y`okuburira oku, abantu enkumi ishatu bakabeyongeraho aha eizooba eryo. Hakurataho ebintu bina ebyabaire nibishangwa omu kanisa eyabandize: “Baaguma nibeezirikira okwegyesa kw`entumwa, n`okukwatanisa nazo omu kubega omugaati n`omu kushaba.” (Ebyakozirwe 2:42).

Enyegyesa y`entumwa ekaba neyikirizanira kimwe n`eyaba nab ink`oku kyabaire kyaragwirweho. Naha`bwekyo ekanisa eyombekirwe “mwombekirwe aha musingi gw`entumwa na baanabi, kandi Kristo Yesu niwe ibaare ery`obuhamizo” (Abaefeso 2:20).

Abo boona abaine akakwate n`ekanisa eya mazima eya Ruhanga ohuriire, kikaba kiri kandi n`oburi hati kikiri eky`omuhendo munoonga okwikiriza kwonka nk`oku ebyahandikirwe biri kugira kandi tukorobera eki ebyahandikirwe biri kwegyesa. Omugore w`Omwana gw`entaama (Okushuruurirwa 19:7) n`Omugore w`ekigaambo kandi tayinire kimwe kakwate n`envunuura z`abantu (2 Petero 1:20). Omu kushuuruurirwa 21:4 Yohaana akareeba Yerusaalemu entsya n`eshuuma kuruga omu iguru ahari Ruhanga eteekatekirwe nk`Omugore ocumirwe iba. Orureembo oruri kwera rwine ekisiika hamwe n`amareembo 12, agahandikirweho amaziina g`engaanda 12 z`Abaisraeli. Ekisiika kyiine emisingye y`amabaare 12 agariho amaziina 12 z`Omwana gw`entaama.

Tushemereire kumanyira kimwe ngu omucunguzi aine ekanisa emwe yonka, eri omubiri gwe (1 Abakorinso 12:12-31), We wemka Eyari kweyombekyera (Matayo 16:16-18) kandi ei Yacungwiize eshagama Ye (Abaefeso 1:7), “ngu ekanisa egyo ebone kumurikwa omu maisho ge eri ey`ekitiinisa, etaine ibara n`obu gwakuba omufunya, nari ekintu kyona ekirikushusha kityo, kureka ebe erikwera etaine kamogo.”